jump to navigation

Хотиралар -82 5 мая, 2016

Posted by Shahodat in Наср.
add a comment

Катта дарёлар ичида кичиқ ирмоқлар тўлқин мисоли оқиб юради. Улар аждодлар ва авлодлар шажарасига ўхшайди.

***

Ирмоқ катта тўлқинга қўшилмоқ учун ўзини бу ҳолга тайёрламас экан, тиним билмай оқмас экан,  муродига  етолмас – денгизга ошуфта бўлолмас.

***

Оқмоқ керак  –  жилдираб оқмоқ, бир ирмоқ каби  жўш урмоқ.

*** (далее…)

Хотиралар-81 5 мая, 2016

Posted by Shahodat in Наср.
add a comment

sable 1Ичимда  жон қушим безовта эди. Шунда мен меҳрибонлик сифатлари нега унда кучлироқ эканини англай бошладим. Мен турмуш ташвишларига жўнгина шўнғиб, ён-атрофга кўниккан, иссиқ–совуқ ҳамда мўътадил иқлимга мослашган эдим.  Жўнгина кўникиш ва мослашишлар мендаги баъзи сифатларни сўндирган эди. Шунда жон қушим ичимга қамалиб қолди. Унинг ичимда безовта потраши  бежизга эмас эди.   (далее…)

Амстердам хотиралари — 76 11 февраля, 2016

Posted by Shahodat in Наср.
add a comment

Кундалигимдаги битиклар

ёзмоқлик гаштиУмидларим, ишончларим ва меҳварида собит турган ғояларим менга қатъият соҳиби бўлмоқликни ўргатди.

Ғояларим  тубсиз қучоғидан патқалам тутган Тун мен яна ненидир қораладим.

Мен кўп ҳолларда туннинг иккинчи ярмида туйқус уйғониб кетаман. Бу уйғоқлик тонгга қадар давом этади…Ўшанда мен ўзимни ёзув столи устида кўраман. Ўзимга манзур бўлган битикларнинг кўпини мен туннинг иккинчи ярмида қоралаб,  битикларимга тонгнинг этагида якун ясайман. Бу гал ҳам худди шундай  бўлди…

Роман интиҳосиз ҳудудни ўзида пинҳон қилган мислсиз, энг йирик жанрдир, у бўйига, энига, ўнгу сўлига томон тобора ривожланиб бораверади. Бу интиҳосиз ҳудудда тимсоллар тинимсиз ҳаракатда бўлади, воқеалар ривожланаверади, меҳварида эса Шахс туради, Инсон туради. (далее…)

Амстердам хотиралари — 75 11 февраля, 2016

Posted by Shahodat in Наср.
add a comment

Кундалигимдаги битиклар

кетдимVerbondskerkда соат занг чалди. Унинг занги нақадар зафарбардор жарангламасин, аминманки, шу топда ибодатхонада “ҳаворий”лардан лоақал бирор кимсани учратмайсиз.

Қалбни хотиржам, инсонни ҳамиша қаноатлиликка етаклайдиган фасл — бу намоз ичидаги ибодат фаслидир.  Нидерланд дугоналаримнинг кўпи:

– Руҳий қувватни қаердан оласан? – дея сўрашади.

Бир заифа шу заиф ҳолига руҳий ва маънавий қувватни Қибласига пок Ихлос ичида юз бурган ҳолатида олади. Муттасил зикр ичида мен шайтон васвасасини маҳв этган эдим. Шайтон кўнглимга васваса сола олмайди, қалбга эса қоронғулик чўкмайди. Шунда ноўрин  шубҳаю гумонларга ўрин қолмайди. Кўнглим ёришиб туради. Оллоҳим, Сен Буюксан, дейман. (далее…)

Амстердам хотиралари-68 22 октября, 2015

Posted by Shahodat in Наср.
add a comment

Амстердам хотиралари

«Мактублар» туркумидан

Ёмғир майин ёғиб турган ёқимли август тонгида, (бу таваллуд кунингдан сўнг биринчи август тонги эди) туш кўрган эдим. Тушимда Сен ненидир ахтарар эдинг. Сен саҳифаларни титардинг. Ўшанда, назаримда, ўзинг учун керакли битикларни топдинг, сўнг уларни олиб зинадан пастга тушдинг. Мен ҳам ортингдан пастга тушдим. Сен меҳмонхонага кирдинг, сўнг ошхонага ўтдинг.Негадир тепа хонага кўтарилдим. Негадир хотиржам эмасдим. Ногаҳон деразадан пастга боққан чоғим, Сени орқа эшик боғчасида кўрдим. Дафна дарахати тагида неларнидир ёқар эдинг.

— Таржимани ёқманг! Борхесни ёқманг!

Менга боқасан:

-Қўяберинг,- дейсан.

-Ёқманг, — дейман яна куйиниб.

Аммо Сен менга қулоқ осмайсан.

Негадир кўнглим ғашланди. Ўшанда ўзим ўзига далда бўлганди.Сен бир кун йиртган саҳифаларни тиклаяжаксан! (далее…)

Амстердам хотиралари — 67 2 июня, 2015

Posted by Shahodat in Наср.
add a comment

Sea-Storm-Waves-WallpaperКундалигимдаги қайдлар

Ҳисларимда мени дарбадар этгувчи талваса бор эди. Қўзғолон  бор эди.

Нега мен дафъатан ўзим учун мубҳам бўлган бир ҳадик  ичидаман?

Ҳилқатимдаги вазминлик қайга ғойиб кетди?! Ироданинг мудом  вазминликка етакловчи қудрати  қани? Нечун ғойиб бу дам у? Нега томирларим ичида қон эмас, бамисли оташ-олов телбавор кезинмоқда, вужудим аро аллақандай гулхан тоборо ўрламоқда?! Муддаоим не ўзи?!

Ичимда юк бор эди — абгор ҳолга келтиргувчи оғир юк. Мен эсам ўша юкни елкамда муттасил ортиб юрардим. Бир ўй мени забтига олди: ахир Жалолиддин Хоразмшоҳ ҳақида ёзилажак иккинчи роман муқаддимасида ҳам шундай ҳолга тушмаганмидим?! (далее…)

Амстердам хотиралари – 65 2 июня, 2015

Posted by Shahodat in Наср.
add a comment

ёлғизХотиралар

Бола эдим. Ўша кез мен онамдан йироқда эдим… Менга ҳеч кимса ишонмай қўйса-да, лекин барибир ўзимга бўлган ишончни  йўқотмадим. Чунки менинг мендан бошқа ишончли дўстим  йўқ эди. Менинг ўзимдан бўлак содиқ дўстим йўқ эди. Ўшанда мен ётдан ҳеч қачон ёруғлик чиқмаслигини ўрганган эдим. Улғайгач, бу мантиқнинг мазмунини теранроқ англаб етдим.  Бошқалардан хафа бўлмасликни шу тақлид ўрганган эдим. Шундай улуғ зот Навоий ҳам “…меҳрибони топмадим”, дея нола қилиб турганида,   мени унинг қаршисида ким эдим?! (далее…)

Амстердам хотиралари – 64 2 июня, 2015

Posted by Shahodat in Наср.
add a comment

Nederland. Den Ilp, Ilperveld 18 mei 2009. Foto Martijn Beekman NIET VOOR PUBLIKATIE IN LANDELIJKE DAGBLADEN.

Кундалигимдаги қайдлар

Қўлёзманинг 217-саҳифасига етган чоғим негадир оқсаётганимни сездим. Аввалига буни ёзувларим юришмаётганига йўйдим. Назаримда вақт қотиб қолганди, мен эса унинг ичида чалажон ҳаракат қилардим. Аслида мен ўзимни ижодий кайфиятга солувчи нуқтамни топгандим, аммо “ишчанлигимни” йўқотгандим. Эҳтимол, шунинг учундир,  мубҳам бир ҳолда эдим… Зинадан пастга тушиб, емакхонага ўтдим ва қаҳва тайёрлаб ичгач, гуё тўхтаб қолган қоним томирларим ичида яна юришаётганини сездим. Ташқарига чиққан чоғим осмон минбарида қуёш тик кўтарилган эди. Чор тарафим сув билан ўралгани учундир, совуқ денгизнинг тўлқинлари менинг-да томирларим ичида кезиниб юргандек чунон тетиклашдим. Соҳил лабига тушиб борган чоғим, хотираларим тиниқлашиб, руҳиятимга тағин хотиржамлик ва сокинлик қайтаётганини ҳис этдим… (далее…)

Амстердам хотиралари – 58 9 марта, 2015

Posted by Shahodat in Наср.
add a comment

Море“Гурунглар”туркумидан

Бир куни ўғлим Абдуқаюм деди:

-Мен ўзим учун қадрли бўлган инсонни қадрладим, аммо у мени мен истаган даражада  қадрлай олмаслигини англаб, сиқилиб, ўйланиб  қолдим.

-Билиб-билмай ўзингга золимлиқ қилма. Балки  у чорасиздир. Эҳтимол  сендаги  мавжуд имкон унда йўқдир. Ўзингни ёмон ўйлардан, шум хаёллардан  парҳез қил!

Ўзинг учун қадрли бўлган инсондан сен зинҳор иззат талаб этма. Модомики сен учун қадрли экан, унинг олдида чинакамига мард бўл.  Йигит кишини унинг кўркамлигимас   мардлиги юксакларга кўтаради. Бағрикенг  бўл!!!

***

-Ая, дўстимдан ҳам, рақибимдан ҳам кўнглим қолди. Ҳеч қайсисига ишонмай қўйдим, ҳапсалам совуди, -деди сабоқдан уйга қайтган ўғлим.

-Ҳафсалангнинг совуши вазиятингни ўнгловчи чора эмас. Бошингга оғир кунлар тушганида на фақат дўстинг ёки душманингни синайсан, балки ўзингни-да  неларга қодир эканингни теранроқ англай бошлайсан. Бундай пайтда дўстингга нисбатан бағрикенг бўл!  Рақибинг ёнида эса  сабр ичра сукутда тур. Яна қайтараман, ўзингни эса ёмон ўйлардан, шум хаёллардан  парҳез қил!

Демоқчи бўлганим: дўстингга, ҳам  рақибингга адолатли  бўл ва  меъёрни бил.  Меҳрингда ҳам, қаҳрингда ҳам адолат бўлсин! Шундагина  виждонинг қаршисида мудом хотиржам турасан…

Шошқалоқлик маъқул иш эмас, ҳаёт қозонида шундай тобланасан, шу йўсинда пишасан… (далее…)

Кундаликдаги битиклар 9 марта, 2015

Posted by Shahodat in Наср.
add a comment

Islam2Миррих  ва  Зуҳал таронаси

Қўлёзманинг навбатдаги саҳифаси тонгда битилди.  Саҳифа  поёнига  мен бир иловани- тушимда ёзилган  паймонани киритдим.

Ўшанда…

Оқшом пайти — хуфтондан сўнг матлуби шоён хаёлларим адоғига етди-ю, мулгиб, уйқу элитганини сезмай қолдим.

Тушимда ёзганларим — ажиб кўнгил таронаси эди. У кўклам найсони мисоли майин, кўнгил навоси сингари  оромижон бир қўшиқ, бир бошқача паймона эди.

Эмишки,  бир-бирига мудом мафтун бўлган Икки Юлдуз бор эди. (далее…)