Саҳифа хусусида
Сўйласам, бир лаҳза қулоқ тут. Магар англамассан, чорраҳада турмуш ташвишларига шўнғиб яшамоқ нақадар тотли азоб! Тингла, орзуларим хароб ўлмасин. Бўғзимда хитоб тинмасин. Юксал сен, қум ўпқонларига кўмилган муаззам ҳаётим. Минг йил йўлда юрдим. Минг йил юкундим. Минг йил чопдим. Поёнида манзилим топдим. Муқаддас Қатл майдонига ўзни отдим. Қил кўприкка етмай бир лаҳза қотдим. Бир муддат ўзни йўқотдим, магар йўқотганим топдим, мен ўзлигим топдим.
Ушбу саҳифага ташриф қилган азиз муштарий, албатта, «…Сизларга тинчлик-омонлик бўлсин! Хуш келдингиз!..»
Шаҳодат Улуғ
(shahodat.ulugova@gmail.com)
Яширин Муждалар 
Yozganlaringizni qayta-qayta o‘qidim, o‘qigan sari isyonkor ruhim yuvvosh tortgandek bo‘ldi. O‘qigan sari aqlu xushimni qamrab olgan mayda tashvishlar maydalashib boraverdi… Bu kecham naqadar omadli, naqadar baxtli ekan-ey… Bu kechamga xavasim keldi. Bu kechamning peshonasidan o‘pib olgim keldi. Menga shunday go‘zal bitiklarni tortiq qilgani uchun… Qalamingizga, qalbingizga sog‘lik…