Амстердам хотиралари -88 14 августа, 2016
Posted by Shahodat in Шеърият.trackback
“Кўнгилга ташриф” туркумидан
Бир кун нурафшон
Кун туғилажак
Фавқулодда!
Вужудин занжир этганлар
Тилин банди этганлар
Сокин сўзлашарлар
Cукунатда.
Тун ботганда
Тонг мангу отганда
Бахт қайта
ханда отганда…
Бир кун асар битилажак
Кечмишдан қайтган
Лайли ила Мажнун:
-Аларнинг
Жибининлари бисёр
Ишқ жунуни хор,
Аммо барибир бахтиёр,
Дея қотажаклар ҳайратда.
Оташзабаржон
Куй яратилажак
Бу куйдан вужудлар
муз каби эрийди
Симоб каби оқарлар
Ҳасратда.
Тун ботганда
Тонг мангу отганда
Бахт қайта
ханда отганда…
Нурафшон кун туғилажак
Фавқулодда.
Вужудин занжир этганлар
Тилин банди этганлар
Мангу сўзлашарлар
Cукунатда.
2016 йилнинг 14 августи.
Комментарии»
No comments yet — be the first.